సాక్స్ లేకుండా ‘షూ’ వేసుకుంటున్నారా?..ఈ వ్యాధులు గ్యారెంటీ!

ఫ్యాషన్ ట్రెండ్స్‌లో వచ్చిన మార్పుల కారణంగా చాలామంది..ఆఫీసుకి లేదా కాలేజీకి టైం అవుతుందనే తొందర్లో మరికొందరు ఈ రోజుల్లో సాక్స్ లేకుండా షూ వేసుకోవడం కొత్త ట్రెండ్ అయింది.

ప్రస్తుతం మన జీవనశైలిలో చాలా మార్పులు వచ్చేశాయి. గతంలో షూస్ అంటే తప్పనిసరిగా సాక్స్ లు ధరించేవాళ్లు. అయితే ఫ్యాషన్ ట్రెండ్స్‌లో వచ్చిన మార్పుల కారణంగా చాలామంది..ఆఫీసుకి లేదా కాలేజీకి టైం అవుతుందనే తొందర్లో మరికొందరు ఈ రోజుల్లో సాక్స్ లేకుండా షూ వేసుకోవడం కొత్త ట్రెండ్ అయింది. అయితే సాక్స్ లేకుండా షూస్ ధరిస్తే చాలా పెద్ద సమస్యలే వస్తాయని ఓ పరిశోధనలో తేలింది. దీని వల్ల పాదాలే కాదు ఆరోగ్యానికి సంబంధించిన ఇతర వ్యాధులు వచ్చే ప్రమాదం ఉందట. సాక్స్ లేకుండా షూస్ వేసుకుంటే వచ్చే సమస్యలు ఏంటో ఇప్పుడు చూద్దాం.

ఇన్ఫెక్షన్లు

ఎక్కువ సేపు బూట్లు ధరించినప్పుడు పాదాలలో చెమట పట్టడం సాధారణం. ఈ చెమటను పీల్చుకుని పాదాలను పొడిగా ఉంచడానికి సాక్స్‌లు పనిచేస్తాయి. ఓ రిపోర్ట్ ప్రకారం ఒక వ్యక్తి పాదాలు రోజుకు 300 మి.లీ చెమటను విడుదల చేస్తాయి. సాక్స్ లేకుండా ఈ చెమట ఆరిపోదు. దీని కారణంగా పాదాలలో తేమ పెరుగుతుంది. దీంతో అలర్జీ, అనేక రకాల బ్యాక్టీరియా–ఫంగల్ ఇన్ఫెక్షన్ల ప్రమాదం పెరుగుతుంది.

అలర్జీ

కొందరి చర్మం చాలా సున్నితంగా ఉంటుంది. అటువంటి పరిస్థితిలో తోలు లేదా మరేదైనా సింథటిక్ పదార్థంతో సంబంధం కలిగి ఉండటం అలెర్జీకి కారణమవుతుంది. అందువలన, బూట్లు తో సాక్స్‌లు ధరిస్తారు.

దుర్వాసన
పాదాలలో తేమ కారణంగా బ్యాక్టీరియా పేరుకుపోతుంది. దీంతో పాదాల నుండి తరచుగా దుర్వాసన రావడం మొదలవుతుంది. మెయిన్ గా సాక్స్ లేకుండా లెదర్ షూస్ వేసుకుంటే ఈ సమస్య రెట్టింపు అవుతుంది.

రక్త ప్రసరణ

సాక్స్ లేకుండా బూట్లు ధరించడం వల్ల పాదాలకు హాని జరగడమే కాకుండా రక్త ప్రసరణకు సంబంధించిన సమస్యలు ఎదురవుతాయి. కాబట్టి ఏదైనా షూ వేసుకునే ముందు అది సరైనదో కాదో తెలుసుకోవాలి. బిగుతుగా లేదా వదులుగా ఉండే బూట్లు ధరించవద్దు. బిగుతుగా ఉన్న షూ ధరించనప్పుడు సాక్స్ వేసుకోవడం తప్పనిసరి. వాటి ప్రభావం నేరుగా పాదాల చర్మం మీద పడకుండా సాక్సులు కాపాడి సౌకర్యం ఇస్తాయి. మంచి నాణ్యమైన సాక్స్‌లను ధరించాలి. ప్రతిరోజు వాటిని మార్చాలి.

మంట,దరుద సమస్యలు
పాదాలకు, బూట్లకు మధ్య సాక్స్ రక్షణ కవచంగా పనిచేస్తాయి. సాక్సులు లేకుండా బూట్లు వేసుకుని ఎక్కువసేపు నడవటం, పరిగెత్తడం వల్ల పాదాల్లో బొబ్బలు వచ్చే ప్రమాదం ఉంటుంది. దీంతో మంట, దురద సమస్యలు వస్తాయి.

తీవ్రమైన సమస్యలా
ఎక్కువసేపు సాక్స్ లేకుండా షూ వేసుకోవడం వల్ల పాదాలలో తేమ పెరుగుతుంది. అలాగే రాపిడి కారణంగా చర్మ ఇన్ఫెక్షన్లు వస్తాయి. ఈ ఇన్ఫెక్షన్ అలాగే నిర్లక్ష్యం చేస్తే సెల్యులైటిస్ వంటి తీవ్రమైన సమస్యలు కూడా రావచ్చు. ఈ సమస్యను ప్రారంభ దశలో గుర్తించి జాగ్రత్త తీసుకోకపోతే ఇది తీవ్ర వైద్య పరిస్థితికి కారణమవుతుంది. పాదాలలో ఏదైనా ఇన్ఫెక్షన్ ఎక్కువ కాలం ఉంటే వెంటనే డాక్టర్‌ ను కలవడం బెటర్.