పురుషుల్లో బట్టతలకు కారణం అదేనా? షాకింగ్ నిజం

మనదేశంలో ప్రస్తుతం చాలామందిని వేధిస్తున్న సమస్యల్లో జుట్టు రాలడం కూడా ఒకటి మెయిన్ గా ఉంది.

మనదేశంలో ప్రస్తుతం చాలామందిని వేధిస్తున్న సమస్యల్లో జుట్టు రాలడం కూడా ఒకటి మెయిన్ గా ఉంది. యువకులైనా, మధ్య వయస్కులైనా చాలా మంది జుట్టు వేగంగా రాలిపోతోంది. పురుషులు, మహిళల్లో జుట్టు రాలడం ఉన్నప్పటికీ..పురుషులలో ఈ మధ్యకాలంలో జుట్టు రాలవడం సమస్య ఎక్కువైంది. ముఖ్యంగా ఉద్యోగాలు చేసే చాలామందికి చిన్న వయస్సులోనే జుట్టు ఊడిపోయి బట్టతలతో కనబడుతున్నారు. కొంతమంది అయితే లక్షలు పోసి హెయిర్ ట్రాన్స్ ఫ్లాంటేషన్ చేయించుకుంటున్నారు..ఇదే సమయంలో ఆ ట్రీట్మెంట్ వికటించి ప్రాణాలు కూడా కోల్పోతున్నారు కొందరు.

ప్రపంచ వ్యాప్తంగా కోట్లాది మంది ప్రజలు బట్టతల సమస్యతో బాధపడుతున్నారు. బట్టతల సమస్య అనేక కారణాల వల్ల సంభవించవచ్చు. జన్యుపరమైన కారకాలు, హార్మోన్ల మార్పులు,పోషకాహార లోపాల వల్ల జుట్టు రాలడం సాధారణం. అయితే ఈ రోజుల్లో ఒత్తిడి కారణంగా జుట్టు రాలిపోయే కేసులు వేగంగా పెరుగుతున్నాయి. నిపుణుల అభిప్రాయం ప్రకారం.. చెడు జీవనశైలితో పాటు, అనారోగ్యకరమైన ఆహారపు అలవాట్లు, అధిక ఒత్తిడి కారణంగా చాలామంది పురుషుల తలలు బట్టతలగా మారుస్తున్నాయి.

అయితే,అదనపు ఒత్తిడి కూడా జుట్టుకు హానికరం అని ఓ ఆరోగ్య నిపుణుడు తెలిపారు. ఒత్తిడి మొత్తం శరీరాన్ని ప్రభావితం చేసినప్పటికీ.. ఇది జుట్టు రాలడానికి కూడా దారితీస్తుంది. మనం ఒత్తిడికి లోనైనప్పుడు, శరీరంలో ఒత్తిడి హార్మోన్ అని పిలువబడే కార్టిసాల్ స్థాయి పెరుగుతుంది. ఈ హార్మోన్ జుట్టు పెరుగుదలను ప్రతికూలంగా ప్రభావితం చేస్తుంది..జుట్టు రాలడాన్ని పెంచుతుంది. ఒత్తిడి కారణంగా, శరీరంలో మంట కూడా పెరుగుతుంది, ఇది బట్టతలకి కారణమవుతుంది. జుట్టు ఆరోగ్యంగా ఉండాలంటే ఒత్తిడిని అదుపులో ఉంచుకోవడం చాలా ముఖ్యం.

జుట్టు రాలడానికి మరో ప్రధాన కారణం కెమికల్స్ కలిగిన హెయిర్ కేర్ ప్రొడక్ట్స్ వాడటమేనని ఓ డెర్మటాలజిస్ట్ చెప్పారు. ఈ రోజుల్లో చాలా మంది జుట్టుకు అవసరమైన పోషకాల కొరతతో బాధపడుతున్నారు, దీని కారణంగా జుట్టు రాలడం, తొందరగా జుట్టు మొత్తం రాలిపోయి బట్టతల వచ్చే కేసులు పెరుగుతున్నాయన్నారు. జుట్టుకు అవసరమైన పోషకాహారం లేకపోవడం వల్ల, జుట్టు బలహీనంగా మారుతుంది,బట్టతల వచ్చే ప్రమాదం పెరుగుతుంది. ఆరోగ్యకరమైన ఆహారం, మెరుగైన జీవనశైలి,ఒత్తిడి నిర్వహణ.. జుట్టు సమస్యల నుండి చాలా వరకు ఉపశమనం కలిగిస్తుంది. ఒత్తిడి కారణంగా మానసిక సమస్యలు కూడా పెరుగుతాయి, ఇది జుట్టు రాలడం సమస్యను మరింత పెంచుతుంది.

నిపుణుల అభిప్రాయం ప్రకారం.. ఒత్తిడిని నియంత్రించడం బట్టతల సమస్యను తగ్గించడంలో సహాయపడుతుంది. మీరు కూడా బట్టతల సమస్యను ఎదుర్కొంటున్నట్లయితే ఒత్తిడి స్థాయిని తగ్గించడం, ఆరోగ్యకరమైన జీవనశైలిని నడిపించడంపై దృష్టి పెట్టాలి. జుట్టు రాలడం సమస్యను ఎదుర్కొంటున్నట్లయితే చర్మవ్యాధి నిపుణుడిని సంప్రదించాలి. చాలా సార్లు, కొన్ని వ్యాధులు జుట్టు రాలడానికి కారణమవుతాయి, కాబట్టి వాటికి ట్రీట్మెంట్ చేయడం ద్వారా బట్టతలని నివారించవచ్చు.