తమలపాకు గురించి మీకు తెలియని ఇంట్రెస్టింగ్ విషయాలు!

మలపాకులో ఎన్నో రకాల ఔషధ గుణాలు ఉన్నాయి. దీనిని ఆయుర్వేదంలో కూడా ఎక్కువగా ఉపయోగిస్తారు.

మన సంస్కృతిలో తమలపాకుకి చాలా ప్రాధాన్యత ఉంది. దీనిని పాన్ ఆకు అని కూడా అంటుంటారు. ఇంట్లో ఏ పండుగ అయినా, శుభకార్యం అయినా తమలపాకులు లిస్ట్‌లో ఉండాల్సిందే. ఐదు వేల సంవత్సరాలకు పైగా చరిత్ర ఉన్న తమలపాకులో ఎన్నో రకాల ఔషధ గుణాలు ఉన్నాయి. దీనిని ఆయుర్వేదంలో కూడా ఎక్కువగా ఉపయోగిస్తారు. వాటర్ కంటెంట్ ఎక్కువగా ఉండే తమలపాకుల్లో విటమిన్ సి, కాల్షియం రిబోఫ్లావిన్, థయామిన్, నియాసిన్, కెరోటిన్ వంటి విటమిన్లు పుష్కలంగా ఉంటాయి. ఇందులో తక్కువ మెుత్తంలో కొవ్వులు ఉంటాయి. తమలపాకులు ఎన్నో రకాల వ్యాధులు, రుగ్మతల ట్రీట్మెంట్ లో సహాయపడతాయంట. తమలపాకులతో లభించే ఆరోగ్య ప్రయోజనాలేంటో ఇప్పుడు చూద్దాం.

– మన దేశంలో చాలా మందికి భోజనం చేసిన తర్వాత పాన్ తినడం అలవాటు. చాలామందికి దీని వల్ల ప్రయోజమేంటో తెలియదు. తమలపాకు నమలడం వల్ల జీర్ణక్రియతోపాటు రక్త ప్రసరణ మెరుగుపడుతుందట. ఇందులో ఉండే విటమిన్లు, పోషకాలు ప్రేగులను క్లీన్ చేస్తాయంట

–తాంబూలానికి పొగాకును కలిపి తింటే సబ్‌మ్యూకస్ ఫైబ్రోసిస్ లాంటి ప్రమాదకరమైన నోటి వ్యాధులు వచ్చే అవకాశం ఉంది. సబ్‌మ్యూకస్ ఫైబ్రోసిస్ అనేది నోటి క్యాన్సర్‌కి ముందు స్థితి

–తమలపాకులు నమలడం వల్ల ఆకలి ఎక్కువగా వేస్తుంది.

–జీర్ణవ్యవస్థకు ఆకుకూరలు ఎలా మేలు చేస్తాయో తమలపాకులు కూడా అంతే పనిచేస్తాయి.

–ఎముకల దృఢత్వానికి తోడ్పడే కాల్షియం, ఫోలిక్ యాసిడ్, విటమిన్ ఎ, సిలు తమలపాకులో పుష్కలంగా ఉన్నాయి

–తమలపాకులను నమలడం వల్ల డిప్రెషన్ నుంచి కూడా బయటపడవచ్చు

–ప్రతి రోజూ పెద్ద గ్లాస్‌ నీటిలో కొన్ని తమలపాకులు వేసి, ఆ నీళ్లు సగమయ్యేంత వరకు మరిగించి.. ఈ నీటిని తాగడం వల్ల వివిధ రకాల ఆరోగ్య సమస్యలు దూరం.

–రోజూ 7 తమలపాకులను ఉప్పుతో కలిపి ముద్దచేసి నీళ్లతో తీసుకుంటే బోధకాలు వ్యాధి నుంచి ఉపశమనం లభిస్తుందట.
–బరువు తగ్గడంలో తమలపాకులు అద్భుతంగా పనిచేస్తాయి. వీటిని తినడం వల్ల శరీరంలోని కొవ్వు తగ్గుతుంది.
–తమలపాకులు నోటి దుర్వాసనను కూడా దూరం చేస్తాయి. చిగుళ్ల నుంచి వచ్చే బ్లీడింగ్‌ను ఆపి దంతాలను దృఢపరిచే గుణం కలిగి ఉంది
–వీటిలో ఉండే యాంటీసెప్టిక్‌ గుణాలు చర్మ సమస్యలను దూరం చేయడానికి సహాయపడతాయి.

–చర్మంపై అలర్జీ, దురద మొదలైన సమస్యలను తగ్గిస్తాయి తమలపాకులు
– తమలపాకులు యాంటీఆక్సిడెంట్, యాంటీ మ్యూటాజెనిక్, యాంటీ ప్రొలిఫెరేటివ్ యాంటీ బాక్టీరియల్ లక్షణాలను కలిగి ఉంటాయి. క్యాన్సర్ ను అడ్డుకోవడంలో ఇవి సహాయపడతాయి.
–గుండెను ఆరోగ్యంగా ఉంచడంలో తమలపాకులు ఎంతో మేలు చేస్తాయి. ఛాతీలో నొప్పి, గుండెలో మంట వంటి సమస్యలతో బాధపడుతున్నావారు తమలపాకుల రసాన్ని తాగితే ఉపశమనం లభిస్తుంది.

–తమలపాకును తొడిమతో సహా తింటే మహిళల్లో వంధ్యత్వం వచ్చే అవకాశం ఉంది. కాబట్టి సంతానం కోసం ప్రయత్నించేవారు తొడిమ తొలగించి వాడుకోవాలి.

–వెన్నునొప్పితో బాధపడేవారు తమలపాకులకు కొద్దిగా నూనె రాసి, నొప్పి ఉన్న చోట మర్దన చేస్తే నొప్పి నుంచి ఉపశమం దొరుకుతుంది.
–బాలింతల రొమ్ముల్లో కొన్నిసార్లు పాలు గడ్డకట్టుకుపోతుంటాయి. దాని వల్ల భరించలేని నొప్పి ఉంటుంది. ఆ సమయంలో తమలపాకులను కొద్దిగా వేడి చేసి ఛాతిపైన ఉంచితే ఉపశమనం లభిస్తుంది.
–గాయాలు మానడానికి కూడా తమలపాకులు ఉపయోగిస్తారు. తమలపాకుల రసాన్ని గాయంపై రాసి, దానిపై మరో తమలపాకుని పెట్టి కట్టు కడతారు. ఇలా చేస్తే రెండు మూడు రోజుల్లో గాయం మానే అవకాశం ఉంటుంది.

–తమలపాకు ఔషధం లాంటిది. ఔషధాల మాదిరిగానే దీనిని మితంగా వాడుకోవాలి