ప్రతి ఒక్కరూ మొక్కలు నాటాలి

పల్లవి, హైదరాబాద్​: వాతావరణ మార్పుల నేపథ్యంలో భూ గ్రహాన్ని రక్షించుకునేందుకు ప్రతి ఒక్కరూ మొక్కలు నాటాలని పల్లవి, డీపీఎస్​ విద్యా సంస్థల చైర్మన్​ మల్క కొమురయ్య అన్నారు. జీవ వైవిధ్యం పెంపొందించడానికి స్కూల్​ స్థాయి నుంచే అవగాహన పెంచాల్సిన అవసరం ఉందని ఆయన స్పష్​టం చేశారు. ఈ మేరకు బుధవారం హైదరాబాద్​ సమీపంలోని కన్హశాంతి వనంలో ‘యూత్​ యాక్ట్స్​: ప్లాంటింగ్​ ఫర్​ ఏ సస్టేయినబుల్​ ఫ్యూచర్​’ కార్యక్రమం నిర్వహించారు. ఈ ప్రోగ్రామ్​ కు ముఖ్య అతిథులుగా పల్లవి, డీపీఎస్​ విద్యా సంస్థల చైర్మన్​ మల్క కొమురయ్య, సీఈవో మల్క యశస్వి, ఐక్యరాజ్యసమితి G20 ల్యాండ్ యూజ్ డైరెక్టర్ మురళీ తుమ్మరుకుడి తదితరులు హాజరయ్యారు. సుస్థిరాభివృద్ధే లక్ష్యంగా యూనైటెడ్​ నేషన్స్​ కొలాబరేషన్​ తో ‘జీ 20 గ్లోబల్​ ల్యాండ్​ ఇనిషియేటివ్​’లో భాగంగా నిర్వహించిన మొక్కలు నాటే ఈ కార్యక్రమంలో పల్లవి, డీపీఎస్​ స్కూళ్ల నుంచి 2500 మంది స్టూడెంట్స్​ ఉత్సాహంగా పాల్గొన్నారు. ఈ సందర్భంగా యూఎన్​ సీసీడీ డైరెక్టర్​ మాట్లాడుతూ.. వాతావరణ మార్పులు, సుస్థిరాభివృద్ధిలో పౌరుల పాత్ర, విద్యార్థుల విధి గురించి అవగాహన కల్పించారు. ఈనంతరం విద్యార్థులకు క్విజ్​ పోటీలు నిర్వహించారు.