నీట్​లో డీపీఎస్ ప్రభంజనం

పల్లవి, హైదరాబాద్​: నీట్ ఫలితాల్లో నాచారం ఢిల్లీ పబ్లిక్ స్కూల్ క్యాంపస్​ విద్యార్థులు అత్యుత్తమ స్కోర్​ సాధించి సత్తా చాటారు. 8 మంది విద్యార్థులు 600 కంటే ఎక్కువ స్కోర్ తెచ్చుకోవడం విశేషం. 720కి గానూ 705 స్కోర్‌ సాధించి హనా ఫరియాల్ జాతీయ స్థాయిలో అత్యుత్తమ ప్రతిభ కనబరిచారు. తమ స్కూల్​ విద్యార్థులు జాతీయ స్థాయిలో మంచి స్కోర్​ సాధించినందుకు సంతోషంగా ఉందని ఢిల్లీ పబ్లిక్ స్కూల్స్ చైర్మన్ మల్క కొమురయ్య, సీఈఓ మల్క యశస్వి, సీనియర్ ప్రిన్సిపల్ సునీత రావు హర్షం వ్యక్తం చేశారు. నీట్ లో అసాధారణమైన స్కోర్‌ సాధించిన విద్యార్థులకు, అందుకోసం కృషి చేసిన టీచర్లకు డీపీఎస్​ చైర్మన్​ కొమురయ్య అభినందనలు తెలిపారు. ఈ సందర్భంగా ప్రిన్సిపల్​ సునీతా రావు మాట్లాడుతూ.. డీపీఎస్ నాచారం క్యాంపస్​ విద్యార్థులకు అవిశ్రాంతంగా మద్దతునివ్వడంతో పాటు మార్గనిర్దేశం చేసిందని, విద్యార్థుల కృషి, అంకితభావం, పట్టుదల వారు బలమైన కెరీర్ వైపు ముందడుగు వేయడానికి సహాయపడటమే కాకుండా స్కూలుకు గుర్తింపు తెచ్చిపెట్టాయని అన్నారు.