ఇదే సందని ఎగబడ్దరు : మినీ పాల ట్యాంకర్ బోల్తా.. బకెట్లు, బకెట్లతో పట్టుకుపోయిన్రు!

మినీ పాల ట్యాంకర్ అదుపు తప్పి బోల్తా పడిన ఘటన సోమవారం చోటు చేసుకుంది. వివరాల్లోకి వెళ్తే.. మిర్యాలగూడ నుంచి నకిరేకల్ కు వెళ్తున్న ఓ పాల ట్యాంకర్‌ నందిపాడు బైపాస్ రోడ్డు వద్ద ప్రమాద‌వ‌శాత్తూ బోల్తా పడింది. దీంతో ట్యాంకర్ లో నుంచి పాలు పెద్ద ఎత్తున రోడ్డుపై ఒలికిపోయి ప్రవహించాయి. దీంతో ఇదే మంచి అవకాశం అనుకున్న స్థానికులు… బకెట్లు, బాటిళ్లలో తోచినంత పాలను తీసుకెళ్లిపోయారు. ఈ ఘటనకు సంబంధించి పోలీసులు కేసు నమోదు చేసుకుని దర్యాప్తు చేస్తున్నారు. దీనికి సంబంధించిన వీడియో సోషల్ మీడియాలో వైరల్ గా మారింది.