బోడకాకరికాయ.. మటన్​ కంటే మేలు

చికెన్, మటన్ కంటే ఎక్కువ పోషకాలు ఉన్న కూరగాయ బోడకాకరకాయ. శ్రావణమాసంలో విజిటేరియన్స్​ కు ఇదో అద్భుతమైన కూరగాయ. ఈ సీజన్‌లో మాత్రమే దొరికే ఈ కూరగాయతో వర్షాకాలంలో వచ్చే సీజనల్ వ్యాధులను సులువుగా చెక్ పెట్టవచ్చు. వర్షాకాలంలో ఆషాడ, శ్రావణ మాసాల్లో మాత్రమే దొరికే ఈ బోడ కాకరకాయల కోసం జనాలు ఎదురుచూస్తుంటారు.

పోషకాలు

బోడ కాకరకాయ శరీరానికి ఎంత మంచిది. ఇందులో కార్బోహైడ్రేట్లు, ప్రోటీన్, ఫైబర్, విటమిన్ బీ1, బీ2, బీ3, బీ5, బీ6, బీ9, బీ12, విటమిన్ ఏ, విటమిన్ సీ, విటమిన్ డీ2, కాల్షియం, మెగ్నీషియం, పొటాషియం, సోడియం, విటమిన్ హెచ్​, విటమిన్ కే, కాపర్, జింక్ వంటి పోషకాలు ఉంటాయి.

ప్రయోజనాలు

బోడకాకరలో ఉండే ఫ్లవనాయిడ్లు వయస్సు మీరి వచ్చే ముడతలను నియంత్రిస్తాయి. బోడకాకరకాయ కూర తింటే.. కండరాలు బలోపేతం అవుతాయి. బోడ కాకరలో ఉండే ఫైబర్.. మలబద్ధకాన్ని, అల్సర్, గ్యాస్ట్రిక్ సమస్యలను తగ్గిస్తుంది. అందుకే బోడకాకరను పోషకాల గని అంటారు. ఇవి తినడం వల్ల పలు ఇన్ఫెక్షన్లు దరిచేరవని ఫైల్స్, కామెర్ల వ్యాధికి బాగా పనిచేస్తాయని.. నిపుణులు చెబుతున్నారు. అటవీ ప్రాంతంలో మాత్రమే దొరికే ఈ బోడకాకరకు మార్కెట్లో మంచి డిమాండ్ ఉంది. కేజీ బోడ కాకరకాయ ఇప్పుడు నాలుగు వందల వరకు పలుకుతున్నా.. జనాలు వీటిని కొని తీసుకెళ్లేందుకు వెనకాడటం లేదు.