ఎమ్మెల్సీ అభ్యర్థులను ప్రకటించిన బీజేపీ

ఎమ్మెల్సీ అభ్యర్థులను ప్రకటించిన బీజేపీ

పల్లవి, హైదరాబాద్​: తెలంగాణలో క్రమంగా పుంజుకుంటున్న భారతీయ జనతా పార్టీ.. త్వరలో జరగబోయే మూడు ఎమ్మెల్సీ స్థానాలకు అభ్యర్థులను ప్రకటించింది. అధికార కాంగ్రెస్​, ప్రతిపక్ష బీఆర్​ఎస్​ పార్టీల కంటే ముందుగానే అభ్యర్థులను ప్రకటించి దూకుడు ప్రదర్శించింది. కొద్దిసేపటి క్రితం బీజేపీ రాష్ట్ర అధ్యక్షుడు, కేంద్రమంత్రి జి.కిషన్​ రెడ్డి అభ్యర్థులను ఖరారు చేస్తూ ప్రకటన విడుదల చేశారు. మూడు ఎమ్మెల్సీ స్థానాల్లో అభ్యర్థుల విషయానికొస్తే.. ఉమ్మడి కరీంనగర్​ – ఆదిలాబాద్​ – నిజామాబాద్​ – మెదక్ టీచర్​ ఎమ్మెల్సీ అభ్యర్థిగా విద్యావేత్త మల్క కొమరయ్యను ప్రకటించింది. ఉమ్మడి కరీంనగర్​ – ఆదిలాబాద్​ – నిజామాబాద్​ – మెదక్ గ్రాడ్యుయేట్​ ఎమ్మెల్సీ అభ్యర్థిగా సి. అంజిరెడ్డిని ప్రకటించింది. ఉమ్మడి నల్గొండ – ఖమ్మం – వరంగల్​ టీచర్స్​ ఎమ్మెల్సీ అభ్యర్థిగా పులి సరోత్తం రెడ్డిని ప్రకటించింది. మూడు ఎమ్మెల్సీ స్థానాలకు ఎంతో మంది పోటీ పడినా.. విజయం సాధించడమే లక్ష్యంగా కమలం పార్టీ గెలుపు గుర్రాలకు టికెట్లు ఖరారు చేసింది. అయితే ఇప్పటి వరకు ఏ పార్టీ కూడా ఎమ్మెల్సీ అభ్యర్థులను ప్రకటించకపోగా.. ఈసారి బీజేపీ ముందుగానే అభ్యర్థులను ప్రకటించి ఎన్నికల గ్రౌండ్​ ను ముందుగానే సిద్ధం చేసుకున్నది.