సంయుక్త చూపు.. బీటౌన్ వైపు

మలయాళం, తెలుగు, తమిళ్ సినిమాల్లో నటించి ఫుల్ క్రేజ్ తెచ్చుకుంది సంయుక్త మీనన్. పవర్ స్టార్ పవన్ కల్యాణ్​ సినిమా ‘బీమ్లా నాయక్’తో సంయుక్త టాలీవుడ్ కు ఎంట్రీ ఇచ్చింది.

మలయాళం, తెలుగు, తమిళ్ సినిమాల్లో నటించి ఫుల్ క్రేజ్ తెచ్చుకుంది సంయుక్త మీనన్. పవర్ స్టార్ పవన్ కల్యాణ్​ సినిమా ‘బీమ్లా నాయక్’తో సంయుక్త టాలీవుడ్ కు ఎంట్రీ ఇచ్చింది. ఆ తర్వాత మాలీవుడ్ కంటే తెలుగులోనే వరుస ఆఫర్లు దక్కించుకుంది. ‘బింబిసార’, ‘సార్’, ‘విరూపాక్ష’ సినిమాలతో బ్యాక్ టు బ్యాక్ హిట్స్ అందుకుంది. ప్రస్తుతం సంయుక్త చేతిలో క్రేజీ ప్రాజెక్ట్స్ ఉన్నాయి. నిఖిల్ హీరోగా తెరకెక్కుతున్న ‘స్వయంభూ’లో ఆమే హీరోయిన్. అక్టోబర్ లో ఈ సినిమా రిలీజ్ అయ్యే అవకాశం ఉంది. మలయాళంలో మోహన్ లాల్ హీరోగా వస్తున్న ‘రామ్’లో సంయుక్త నటిస్తోంది. తెలుగులో ఎన్ని సినిమాలు చేసినా ‘సార్’, ‘విరూపాక్ష’ ఎప్పటికీ గుర్తుండిపోతాయని ఈ అమ్మడు చెబుతోంది. అయితే, సంయుక్త మీనన్ ప్రస్తుతం బాలీవుడ్ వైపు ఫోకస్ పెట్టినట్లు తెలుస్తోంది. చరణ్​ తేజ్ డైరెక్షన్ లో వస్తున్న ‘మహారాజ్ఞి: క్వీన్‌ ఆఫ్‌ క్వీన్స్‌’లో మోహిని పాత్రలో సంయుక్త యాక్ట్ చేస్తోంది. ఈ సినిమాలో బాలీవుడ్ సీనియర్ హీరోయిన్ కాజోల్, ప్రభుదేవా యాక్ట్ చేస్తున్నారు. వీరిద్దరితో స్క్రీన్ షేర్ చేసుకోవడం ఎంతో హ్యాపీగా ఉందని సంయుక్త చెప్పుకొచ్చింది. ఈ సినిమా వచ్చే ఏడాది రిలీజ్ కానుంది. సోషల్ మీడియాలోనూ యాక్టివ్ గా ఉండే సంయుక్తకు ఇన్ స్టాగ్రామ్​ లో ఫుల్ ఫాలోయింగ్ ఉంది. 3 మిలియన్స్​ ఆమెను ఫాలో అవుతున్నారు.