Bigg Boss 8 Telugu : బేబక్క ఔట్.. వారంలో ఆమె సంపాదించింది ఎంత?

Bigg Boss 8 Telugu : అందరూ ఊహించినట్టే బిగ్ బాస్ ఫస్ట్ ఎలిమినేషన్ జరిగింది. బిగ్ బాస్ 8 సీజన్ లో ఏడో కంటెస్టెంట్‌గా హౌజ్‌లోకి అడుగు పెట్టిన బెజవాడ బేబక్క ఫస్ట్ ఎలిమినేట్ అయింది

Bigg Boss 8 Telugu :  అందరూ ఊహించినట్టే బిగ్ బాస్ ఫస్ట్ ఎలిమినేషన్ జరిగింది. బిగ్ బాస్ 8 సీజన్ లో ఏడో కంటెస్టెంట్‌గా హౌజ్‌లోకి అడుగు పెట్టిన బెజవాడ బేబక్క ఫస్ట్ ఎలిమినేట్ అయింది. యూట్యూబర్‌గా పాపులర్ అయిన బెజవాడ బేబక్క బిగ్ బాస్ లో పెద్దగా రాణించలేకపోయింది. ఎక్కువగా కిచెన్ కే పరిమితం కావడం, టాస్కుల్లో పెర్ఫామ్ చేయలేకపోవడం, వంటల్లో కండిషన్స్ పెట్టడం బేబక్క ఎలిమినేషన్ కు కారణాలుగా చెప్పవచ్చు. అయితే వీక్ చివరికి వచ్చేసరికి బేబక్క యాక్టివ్ అయినప్పటికీ అప్పటికే జరగాల్సిన డ్యామేజ్ జరిగిపోయింది.

బిగ్ బాస్ హౌజ్ లోకి వెళ్లిన బెజవాడ బేబక్క ఈ వారం రోజల్లో ఎంత సంపాదించింది అన్నది హాట్ టాపిక్ గా మారింది. బేబక్క అసలు పేరు మధు నెక్కంటి. సోషల్ మీడియాలో ఆమెకు మంచి పాపులారిటీ ఉంది. ఆమెకు1.64 కే ఫాలోవర్స్ ఉన్నారు. బిగ్ బాస్ లోకి వచ్చాక బేబక్కకు 1.83కే ఫాలోవర్స్ పెరిగారు. బేబక్క పర్ డే రెమ్యునరేషన్ రోజుకు రూ. 21 వేల 428 అని తెలుస్తోంది. అంటే ఈ లెక్కన చూస్తే ఆమె ఉన్న వారం రోజులకు బేబక్క సంపాదించింది సుమారుగా రూ. 1.50 లక్షలు. ఆమె ఇంకొన్ని రోజులుంటే బాగానే సంపాదించేది.బేబక్క ఎలిమినేట్ కావడంతో ఇక హౌస్ లో 13 మంది సభ్యులు ఉంటారు.

ఎలిమినేషన్ లో బిగ్ బాస్ పాత సంప్రాదాయాన్నే కంటిన్యూ చేసిందన్న విమర్శలు వస్తున్నాయి. కంటెస్టెంట్లలో ఎవరైతే కాస్త ఏజ్డ్ గా కనిపిస్తున్నారో వారిని తొలి వారంలోని ఎలిమినేట్ చేస్తున్నారన్న ప్రచారం నడుస్తోంది. ఫస్ట్ సీజన్‌లో సింగర్ కల్పన, మూడో సీజన్‌లో నటి హేమ, నాలుగో సీజన్ కరాటే కళ్యాణి, ఐదో సీజన్‌లో కార్తీకదీపం ఉమాదేవి.. వీళ్లంతా తొలివారంలోనే ఎలిమినేట్ అయ్యారు. ఇదే లెక్కన బేబక్కను కూడా ఎలిమినేట్ చేశారన్న ప్రచారం జోరుగా నడుస్తోంది.