నిమ్మకాయ ఆరోగ్యానికి మంచిది…!

పల్లవి, వెబ్ డెస్క్ :  నిమ్మకాయల వల్ల అనేక లాభాలున్నాయని వైద్యనిపుణులు చెబుతున్నారు.నిమ్మకాయలలో విటమిన్ – సి, యాంటీ ఆక్సిడెంట్లు పుష్కలంగా ఉంటాయి.దగ్గు ,ప్లూ సమస్యలను తగ్గిస్తాయి. రోగనిరోధక శక్తిని పెంచుతాయి. గ్లాసు వేడి నీళ్లల్లో నిమ్మకాయ రసం, తేనె కలిపి తీసుకుంటే ఆరోగ్యానికి మంచిది.బరువు తగ్గాలని ప్రయత్నించేవాళ్లకు నిమ్మకాయ సహాయ పడుతుంది.

క్రమం తప్పకుండా పన్నెండు వారాల పాటు నిమ్మరసాన్ని తీసుకుంటే బరువులో మార్పు ఉంటుందని వైద్య నిపుణులు చెబుతున్నారు.తీసుకునే ఆహారంలో ఐరన్ శరీరానికి అందాలన్నా విటమిన్ -సి ముఖ్యం . నిమ్మకాయలలో ఐరన్ , విటమిన్ -సి రెండూ రక్తహీనతను తగ్గిస్తాయి.

విటమిన్ -సి గొప్ప యాక్సిడెంట్ , శరీరంలో రాడికల్స్ ను, ట్రైగ్లిజరైడ్ స్థాయిని తగ్గిస్తుంది. తద్వారా రక్తపోటును నియంత్రిస్తుంది.చర్మం యవ్వనంగా ఉండటానికి కారణమయ్యే కొల్లాజెన్ ఉత్పత్తిని విటమిన్ సి ప్రోత్సహిస్తుంది. దీంతో యవ్వనంగా ఉంటారు.