ఉప రాష్ట్రపతి ఎన్నికలకు బీఆర్ఎస్ దూరం.
- Edited By: Pallavi,
- Published on September 8, 2025 / 04:25 PM
పల్లవి, వెబ్ డెస్క్ : రేపు జరగబోయే ఉప రాష్ట్రపతి ఎన్నికల్లో మేము పాల్గొనడం లేదు అని బీఆర్ఎస్ వర్కింగ్ ప్రెసిడెంట్, మాజీ మంత్రి కేటీరామారావు తెలిపారు. సోమవారం తెలంగాణ భవన్ లో జరిగిన మీడియా సమావేశంలో మాజీ మంత్రి కేటీఆర్ మాట్లాడుతూ “రాష్ట్రంలో యూరియా కొరతతో రైతులు కొట్టుకుంటున్నారు.. ఇటు కాంగ్రెస్, అటు బీజేపీ ఈ రాష్ట్ర రైతాంగాన్ని వేధిస్తున్నారు ” అని ఆరోపించారు.
20 రోజుల కిందట మేము హెచ్చరించినా కేంద్ర ప్రభుత్వం స్పందించలేదు. రాష్ట్రప్రభుత్వం స్పందించలేదు.. అందుకే 70 లక్షల రైతన్నల తరుపున మేము ఉప రాష్ట్రపతి ఎన్నికలను బహిష్కరించాము.మేము ఎన్డీఏ సబార్డినేట్ కాదు, ఇండియా సబార్డినేట్ కాదు.. మేము తెలంగాణ ప్రజల సబార్డినేట్ అని ఉద్ఘాటించారు.
కాబట్టి తెలంగాణ ప్రజల పక్షాన వారి బాధను తెలియజేయడానికి దీన్ని ఒక వేదికగా వాడుకుంటూ.. రైతుల పక్షాన ఈ ఎన్నికల్లో మేము పాల్గొనడం లేదు అని తెలిపారు .