రోహిత్ శర్మ లగ్జరీ కారు ధర ఎంతనో తెలుసా..?

పల్లవి, వెబ్ డెస్క్ : టీమిండియా వన్డే కెప్టెన్, హిట్‌మ్యాన్ రోహిత్ శర్మ  తాజాగా ఓ లగ్జరీ కారును కొనుగోలు చేశాడు. దాదాపు రెండు నెలలుగా క్రికెట్‌కు దూరంగా ఉన్న రోహిత్ ప్రస్తుతం కుటుంబంతో కలిసి వ్యక్తిగత జీవితాన్ని ఆస్వాదిస్తున్నాడు. కుటుంబంతో కలిసి యూరప్ ట్రిప్‌నకు వెళ్లి తాజాగా స్వదేశానికి తిరిగి వచ్చాడు. తాజాగా ఓ విలాసవంతమైన కారును కొనుగోలు చేశాడు. ఆ కారు తాజాగా ముంబైలోని రోహిత్ ఇంటికి డెలివరీ అయింది.

ఆ వీడియో ప్రస్తుతం సోషల్ మీడియాలో వైరల్‌గా  మారింది.ప్రముఖ ఇటాలియన్ కార్ల తయారీ సంస్థ లంబోర్గిని నుంచి ఒక సూపర్ కారును రోహిత్ కొనుగోలు చేశాడు. ఆరెంజ్‌ కలర్‌ లంబోర్గిని ఉరుస్ ఎస్‌ఈ  కారును కొనుగోలు చేశాడు. భారతదేశంలో ఈ కారు ఎక్స్-షోరూమ్ ధర రూ.4.57 కోట్లు. ముంబైలో దీని ఆన్-రోడ్ ధర దాదాపు రూ.5.25 కోట్లు. అలాగే ఈ కారుకు ఉన్న నెంబర్ ప్లేట్ విషయంలో కూడా రోహిత్ ప్రత్యేక శ్రద్ధ తీసుకున్నాడు.

తన కొత్త కారుకు రోహిత్ 3015 నెంబర్ తీసుకున్నాడు. ఆ నెంబర్‌కు ఓ ప్రత్యేకత ఉంది.రోహిత్ కూతురు సమైరా డిసెంబర్ 30న జన్మించింది. కొడుకు అహన్ నవంబర్ 15న జన్మించాడు. వీరిద్దరి బర్త్‌డేలు కలిసి వచ్చేలా తన కొత్త కారుకు 3015 నెంబర్ తీసుకున్నాడు. ఇంతకు ముందు కూడా రోహిత్‌ లంబోర్గిని కారు ఉపయోగించాడు. ఆ కారు రిజిస్ట్రేషన్ నెంబర్ 264. వన్డే క్రికెట్‌లో అత్యధిక వ్యక్తిగత స్కోరు సాధించిన ప్రపంచరికార్డు రోహిత్ శర్మ పేరిట ఉంది. ఆ 264 పరుగలుకు గుర్తుగా తన కారుకు ఆ నెంబర్ తీసుకున్నాడు.