నాచారం ఢిల్లీ పబ్లిక్ స్కూల్ లో ఘనంగా యాన్యువల్ స్పోర్ట్స్ డే సెలబ్రేషన్స్

నాచారం ఢిల్లీ పబ్లిక్ స్కూల్ లో ఘనంగా యాన్యువల్ స్పోర్ట్స్ డే సెలబ్రేషన్స్ జరిగాయి. ఈ వేడుకల్లో CBSE 1వ తరగతి నుంచి 6 తరగతుల విద్యార్థులు ఎంతో ఉత్సాహంగా పాల్గొన్నారు

పల్లవి, హైదరాబాద్​: విద్యార్థులు చదువుతోపాటు క్రీడల్లోనూ రాణించి అంతర్జాతీయ స్థాయిలో సత్తా చాటాలని ఢిల్లీ పబ్లిక్​ స్కూల్ చైర్మన్​ మల్క కొమరయ్య అన్నారు. స్టూడెంట్స్​ ప్రాథమిక స్థాయి నుంచే స్పోర్ట్స్​ అలవాటు చేసుకోవాలని సూచించారు. ఈ మేరకు ఢిల్లీ పబ్లిక్​ స్కూలు నాచారం క్యాంపస్​ లో సీబీఎస్​ఈ 1 నుంచి 6వ క్లాస్​ విద్యార్థులకు వార్షిక క్రీడా వేడుకలు నిర్వహించారు. ఈ వేడుకలకు డీపీఎస్​ చైర్మన్​ మల్క కొమరయ్య, ఐఏఎస్​ ఆపీసర్​ వెంకటేశ్​, కమాండర్​ ప్రవీణ్​ కుమార్​ తదితరులు ముఖ్య అతిథులుగా హాజరయ్యారు. క్రీడా వేడుకలను ఉద్దేశించి సీనియర్​ ప్రిన్సిపల్​ సునీతా రావు మాట్లాడుతూ.. డీపీఎస్ స్టూడెంట్స్​ ఆల్​ రౌండ్​ డెవలప్​ మెంట్ కోసం అనేక కార్యక్రమాలు చేపడుతున్నట్లు పేర్కొన్నారు. ఈ సందర్భంగా క్రీడా పోటీల్లో ప్రతిభ చూపిన విద్యార్థులను అభినందించారు.