బోయిన్పల్లిలోని పల్లవి స్కూల్లో సంక్రాంతి సంబరాలు

బోయిన్పల్లిలోని పల్లవి మోడల్ స్కూల్లో 2025, జనవరి 7న ఉదయం గ్రేడ్ 7F, 7I విద్యార్థులు అసెంబ్లీ నిర్వహించారు. ఈ సందర్భంగా సంక్రాంతి పండుగ స్ఫూర్తిని అందంగా చిత్రీకరించారు.

బోయిన్పల్లిలోని పల్లవి మోడల్ స్కూల్లో 2025, జనవరి 7న ఉదయం గ్రేడ్ 7F, 7I విద్యార్థులు అసెంబ్లీ నిర్వహించారు. ఈ సందర్భంగా సంక్రాంతి పండుగ స్ఫూర్తిని అందంగా చిత్రీకరించారు. భారతదేశం అంతటా ఎంతో ఉత్సాహంతో జరుపుకునే ఈ పంట పండుగ సారాంశాన్ని ఆలోచనాత్మకంగా రూపొందించారు. వర్డ్ ఆఫ్ ది డే, థాట్ ఆఫ్ ది డేతో సభ ప్రారంభమైంది. అనంతరం విద్యార్థులు సంక్రాంతికి సంబంధించిన సమాచారాన్ని పంచుకున్నారు.

అందులో సాంస్కృతిక, వ్యవసాయ ప్రాముఖ్యతపై చర్చించారు. మెస్మరైజింగ్ ప్రదర్శనలకు ముందు వార్తల విభాగం కీలకమైన జాతీయ, అంతర్జాతీయ అప్‌డేట్‌లను హైలైట్ చేసింది. అందమైన నృత్యాలు అందరినీ ఆకట్టుకున్నాయి. విద్యార్థులు చేసిన స్కిట్ సంక్రాంతికి సంబంధించిన సంప్రదాయ పద్ధతులను వర్ణించింది. దేశంలోని వివిధ రాష్ట్రాలలో ప్రత్యేకంగా సంక్రాంతిని ఎలా జరుపుకుంటారో విద్యార్థులు సృజనాత్మకంగా చిత్రీకరించారు. ఇంటరాక్టివ్ క్విజ్ పండుగపై ప్రేక్షకుల అవగాహనను మరింత మెరుగుపరిచింది. ఆధునికతను పుణికిపుచ్చుకుంటూ సంప్రదాయాలను ఆదరించాల్సిన ప్రాముఖ్యతను హెచ్‌ఎం శ్రీమతి రీతూ సింగ్ తన ప్రసంగంలో తెలియజేయడంతో సభ ముగిసింది.