స్టార్‌ కొరియోగ్రాఫర్‌పై చీటింగ్ కేసు నమోదు

బాలీవుడ్‌లో స్టార్‌ డ్యాన్స్‌ కొరియోగ్రాఫర్‌గా పేరు తెచ్చుకున్న రెమో డిసౌజాపై కేసు నమోదైంది. రెమో డిసౌజా, ఆయన సతీమణి లిజెల్లేతోపాటు మరో ఐదుగురు వ్యక్తులు తనని మోసం చేసి రూ.11 కోట్లు కాజేశారని పేర్కొంటూ ఓ డ్యాన్సర్‌ పోలీసులను ఆశ్రయించాడు

బాలీవుడ్‌లో స్టార్‌ డ్యాన్స్‌ కొరియోగ్రాఫర్‌గా పేరు తెచ్చుకున్న రెమో డిసౌజాపై కేసు నమోదైంది. రెమో డిసౌజా, ఆయన సతీమణి లిజెల్లేతోపాటు మరో ఐదుగురు వ్యక్తులు తనని మోసం చేసి రూ.11 కోట్లు కాజేశారని పేర్కొంటూ ఓ డ్యాన్సర్‌ పోలీసులను ఆశ్రయించాడు . 26 ఏళ్ల డ్యాన్సర్ ఫిర్యాదు మేరకు అక్టోబర్ 16న మీరా రోడ్ పోలీస్ స్టేషన్‌లో డిసౌజా, అతని భార్య లిజెల్, మరో ఐదుగురిపై సెక్షన్ 465 (ఫోర్జరీ), 420 (చీటింగ్) ఇతర సంబంధిత సెక్షన్ల కింద కేసు నమోదైంది. ఎఫ్ఐఆర్ ప్రకారం, ఫిర్యాదుదారుడు, అతని బృందం ఒక డాన్స్ షోలో గెలిచిదని..అయితే ఆ బృందం తమదేనంటూ రెమో డిసౌజాతో మరికొందరు పోజులిచ్చి రూ.11.96 కోట్ల ప్రైజ్ మనీని క్లెయిమ్ చేశారని ఫిర్యాదులో తెలిపారు. ఈ కేసులో నిందితులు ఓంప్రకాష్ శంకర్ చౌహాన్, రోహిత్ జాదవ్, ఫ్రేమ్ ప్రొడక్షన్ కంపెనీ, వినోద్ రౌత్, రమేష్ గుప్తాలపై విచారణ జరుగుతోందని పోలీస్ అధికారి ఒకరు తెలిపారు.