శ్రీలీల రికార్డ్.. కిస్సిక్ కోసం రూ.2 కోట్లు
లేటెస్ట్ బ్యూటీ సెన్సేషన్ శ్రీలీలకు యూత్ లో ఉన్న క్రేజ్ గురించి ప్రత్యేకంగా చెప్పాల్సిన పనిలేదు. వరుసగా క్రేజీ ఆఫర్స్ దక్కించుకుంటూ స్టార్ హీరోయిన్స్ లిస్టులోకి చేరిపోయింది.
- Edited By: Pallavi,
- Published on November 13, 2024 / 04:12 PM
లేటెస్ట్ బ్యూటీ సెన్సేషన్ శ్రీలీలకు యూత్ లో ఉన్న క్రేజ్ గురించి ప్రత్యేకంగా చెప్పాల్సిన పనిలేదు. వరుసగా క్రేజీ ఆఫర్స్ దక్కించుకుంటూ స్టార్ హీరోయిన్స్ లిస్టులోకి చేరిపోయింది. ప్రస్తుతం ఆమె మాస్ రాజా రవితేజతో మాస్ జాతర సినిమాలో నటిస్తోంది. ఈ సినిమా 2025 సంక్రాంతికి ప్రేక్షకుల ముందుకు రానుంది. ఇదిలా ఉంటే తాజాగా ఈ అమ్మడు పుష్ప 2 సినిమాలో అల్లు అర్జున్ తో ఐటెం సాంగ్ చేసే అవకాశాన్ని దక్కించుకుంది.
ఇటీవలే అధికారిక ప్రకటన వచ్చిన ఈ సాంగ్ పై ఆడియన్స్ లో మంచి అంచనాలే ఉన్నాయి. అయితే “కిస్సిక్” అంటూ సాగే ఆ మాస్ సాంగ్ కోసం శ్రీలీల ఏకంగా రూ.2 కోట్లు రెమ్యునరేషన్ గా తీసుకొంటోందట. ప్రస్తుతం ఈ న్యూస్ టాలీవుడ్ ఇండస్ట్రీలో హాట్ టాపిక్ గా మారింది. ఈ విషయం తెలిసిన నెటిజన్లు 5 నిమిషాలకే అంత డబ్బు తీసుకుంటుందా అని షాక్ అవుతున్నారు.