అప్పు చేసి మరో మహిళతో భర్త పరార్.. ఆదుకున్న లులూ చైర్మెన్

భార్య పేరు మీద నాలుగు లక్షల రూపాయల లోన్ తీసుకొని కట్టకుండా వేరే మహిళ కోసం భార్య పిల్లలను వదిలేసి వెళ్లిపోయాడు ఓ భర్త.. తిరిగి చెల్లించలేని స్థితిలో ఉన్న అతని భార్యకు సాయం చేయడానికి ముందుకు వచ్చి సమస్యను పరిష్కరించారు కేరళ ప్రజలు,

భార్య పేరు మీద నాలుగు లక్షల రూపాయల లోన్ తీసుకొని కట్టకుండా వేరే మహిళ కోసం భార్య పిల్లలను వదిలేసి వెళ్లిపోయాడు ఓ భర్త.. తిరిగి చెల్లించలేని స్థితిలో ఉన్న అతని భార్యకు సాయం చేయడానికి ముందుకు వచ్చి సమస్యను పరిష్కరించారు కేరళ ప్రజలు, లులూ గ్రూప్స్ చైర్మెన్ యూసఫ్ అలీ. అయితే ఇదంతా కేవలం నాలుగు గంటల్లోనే జరగడం విశేషం.

కేరళకు చెందిన ఓ వ్యక్తి NBFC(నాన్ బ్యాంకింగ్ ఫైనాన్షియల్ కంపెనీ ) నుండి నాలుగు లక్షలు అప్పుగా తీసుకొని అవి చెల్లించకుండా వేరే మహిళ కోసం తన భార్య సంధ్య , ఇద్దరు పిల్లలను వదిలేసి వెళ్లిపోయాడు. అయితే సంధ్యకు తక్కువ జీతం ఉన్న ఉద్యోగం కావడంతో.. ఆ అప్పును తిరిగి చెల్లించలేకపోయింది. ఈ క్రమంలో అప్పు కాస్త రూ. 8 లక్షల వరకు పెరిగిపోయింది. దీంతో ఆమె ఇంట్లో లేని సమయమంలో NBFC వాళ్ళు తాళం పగలకొట్టి ఇంట్లో చొరబడి వాళ్ల తాళం వేసుకున్నారు.

దీనికి సంబంధించి స్థానిక మీడియాలో వార్తలు రావడంతో.. ఈ విషయం తెలుసుకున్న కేరళ ప్రజలు సంధ్య కుటుంబానికి సాయం చేయడానికి ముందుకు వచ్చారు. ఈ వార్త తెలుసుకున్న లులూ గ్రూప్స్ ఛైర్మెన్ యూసఫ్ ఆలీ ఆ మహిళకు సాయం చేయడానికి ముందుకు వచ్చాడు.. సదురు మహిళ అప్పును తీర్చడమే కాకుండా ఆమె పిల్లల భవిష్యత్ కోసం రూ.10 లక్షల ఫిక్స్డ్ డిపాజిట్ చేశారు. యూసఫ్ అలీ లేకుంటే తాను, తన పిల్లలు తీవ్ర ఇబ్బందులు పడేవారిమని సంధ్య తెలిపారు.