వాళ్లకు ABCDలు రావు: కిషన్​ రెడ్డి

వాళ్లకు ABCDలు రావు: కిషన్​ రెడ్డి

పల్లవి, హైదరాబాద్​: ఎ, బీ,సీ,డీ తెలియకుండా కేంద్రంపై యుద్ధం చేయాలంటే ఎలా? దక్షిణ భారతదేశంలో గతంలో లాగా ప్రజలను రెచ్చగొడితే ప్రజలు ఊరుకోబోరని కేంద్ర మంత్రి కిషన్​ రెడ్డి అన్నారు. శనివారం ఆయన బేగంపేట రైల్వే స్టేషన్​ ఆధునీకరణ పనులు పరిశీలించారు. అనంతరం మీడియాతో మాట్లాడారు. ఖచ్చితంగా మోదీ నాయకత్వంలో అన్ని భాషలకు ప్రోత్సాహం కల్పిస్తున్నామని రాజకీయ దురుద్దేశంతో ప్రజలను రెచ్చగొట్టే చర్యలకు పాల్పడితే మీ పప్పులు ఉడకబోవన్నారు. డీ లిమిటేషన్​ ప్రకారం సీట్లు తగ్గుతాయని ఎలా? భావిస్తారని ప్రశ్నించారు. తమిళ నాడు ఎన్నికల్లో భాగంగానే ప్రజలను రెచ్చగొట్టే చర్యలకు డీఎంకే స్టాలిన్​ పాల్పడుతున్నారని మండిపడ్డారు. తమిళభాషలో తీసిన సినిమాలు హిందీలో ఉత్తర భారతదేశంలో ప్రదర్శిస్తూ వందల వేల కోట్లు సంపాదిస్తున్నారని అన్నారు. అత్యధికంగా తెలుగు, తమిళ సినిమాలను ఉత్తరాదిలోనూ ఆదరిస్తున్నారని అన్నారు. జార్ఖండ్​, పశ్చిమ బెంగాల్​ లాంటి అనేకమంది ప్రజలు తెలంగాణ అభివృద్ధిలో పాలుపంచుకుంటున్నారని అన్నారు. స్టాలిన్​ ఐదు సంవత్సరాలుగా సీఎంగా ఏం చేశారో? చెప్పాలని నిలదీశారు. ఏం చేయలేదు కాబట్టే భాషా పేరుతో, డీ లిమిటేషన్​ పేరుతో తప్పుడు ప్రచారాన్ని చేస్తున్నారని ఆరోపించారు. గతంలో విధానం ఉన్నట్లు డీ లిమిటేషన్​ విధానం ఉంటుందన్నారు. ఇంతవరకు జనాభా గణనే పూర్తి కాలేదని, నియమ నిబంధనలు రూపొందించలేదని అన్నారు. తమిళనాడులో త్రిభాష పాలసీ కొత్తది కాదన్నారు. గత అనేక సంవత్సరాలుగా కాంగ్రెస్​ ఉన్నప్పుడు కూడా ఇదే విధానం కొనసాగుతుందని, ఇప్పుడు కూడా ఇదే కొనసాగుతుందన్నారు. దక్షిణ భారతదేశంలో తెలంగాణ, తమిళనాడులో ఏ ఒక్క వ్యక్తిపైన బలవంతంగా హిందీ నేర్చుకోవాలని బలవంతపెట్టలేదన్నారు. చైనా, జపాన్​ దేశాలు కూడా వారి వారి భాషల్లోనే మాట్లాడుతున్నాయన్నారు. సీఎం స్టాలిన్​ భాషపై పూర్తి అవాస్తవాలను మాట్లాడుతున్నారని అన్నారు. ఐదు సంవత్సరాలుగా తమిళ భాష కోసం ఏం చేశారో? చెప్పాలని నిలదీశారు. ప్రధాని మోదీ నూతన ఎడ్యుకేషన్​ పాలసీ వచ్చాక మాతృభాషలోనే హయ్యర్​ విద్యకు అవకాశం కల్పించామన్నారు.