పల్లవి ఇంటర్నేషనల్​ స్కూల్లో 2K సైక్లోథాన్

పర్యావరణ స్పృహ, ప్రపంచ సామరస్యాన్ని ప్రోత్సహించడానికి బాచుపల్లిలోని పల్లవి ఇంటర్నేషనల్ స్కూల్లో 2K సైక్లోథాన్ నిర్వహించారు. ఏప్రిల్ 22న ప్రపంచ భూమి దినోత్సవాన్ని పురస్కరించుకుని చైర్మన్ మల్క కొమరయ్య, మల్క పల్లవి, డైరెక్టర్ సుశీల్ కుమార్ ఆధ్వర్యంలో ఈ 2K సైక్లోథాన్‌ జరిగింది. ఈ కార్యక్రమంలో 200కుపైగా విద్యార్థులు, వారి తల్లిదండ్రులు పాల్గొన్నారు. ఈ సైక్లోథాన్​కు ముఖ్య అతిథిగా ఇంటర్నేషనల్ కబడ్డీ ప్లేయర్ ప్రేమ్​ రాజ్ హాజరయ్యారు. ఈ సందర్భంగా స్కూల్ పాఠాల్లో క్రీడలను చేర్చే అంశంపై ఆయన ప్రసంగించారు. భవిష్యత్ తరాలకు భూమి స్వచ్ఛతను పెంపొందించడానికి గ్లోబల్ పీస్ ప్రాజెక్ట్ ను స్కూల్ యాజమాన్యం ప్రోత్సహిస్తోందని స్కూల్ మేనేజ్​మెంట్ తెలిపింది. ‘గ్రీన్ ఎర్త్ – పీస్‌ఫుల్ వరల్డ్’ పై బలమైన నమ్మకాన్ని సైక్లోథాన్ ప్రతిబింబిస్తుందని అభిప్రాయపడింది.