మీ ప్రేమకు ఎప్పుడూ రుణపడి ఉంటా.. ఎన్టీఆర్ ఎమోషనల్ పోస్ట్

దేవర సినిమాకు ప్రేక్షకులనుంచి వస్తోన్న రెస్పాన్స్ ను ఉద్దేశించి నటుడు హీరో ఎన్టీఆర్‌ తాజాగా సోషల్ మీడియాలో ఓ పోస్ట్‌ పెట్టారు.

దేవర సినిమాకు ప్రేక్షకులనుంచి వస్తోన్న రెస్పాన్స్ ను ఉద్దేశించి నటుడు హీరో ఎన్టీఆర్‌ తాజాగా సోషల్ మీడియాలో ఓ పోస్ట్‌ పెట్టారు. ‘నేను ఎదురుచూస్తున్న రోజు వచ్చింది. మా సినిమాపై మీరు చూపిస్తోన్న అభిమానాన్ని చూసి చాలా సంతోషంగా ఉంది. అద్భుతమైన డ్రామా, భావోద్వేగాలతో ‘దేవర’ తీర్చిదిద్దినందుకు థ్యాంక్యూ కొరటాల శివ. మై బ్రదర్‌ అనిరుధ్‌.. నీ మ్యూజిక్‌తో మా ప్రపంచానికి ప్రాణం పోశావు. ఈ చిత్రానికి బలమైన సపోర్ట్‌గా నిలిచిన మా నిర్మాతలు మిక్కిలినేని సుధాకర్, హరికృష్ణ.కె, అద్భుతంగా వర్క్‌ చేసిన సినిమాటోగ్రాఫర్‌ రత్నవేలు, సాబు సిరిల్‌తోపాటు టెక్నీషియన్స్‌ అందరికీ కృతజ్ఞతలు. నా అభిమానుల వేడుకలు చూసి నా మనసు నిండింది. మీ ప్రేమాభిమానాలకు నేను ఎప్పుడూ రుణపడి ఉంటా. నాలానే మీరూ ఈ చిత్రాన్ని ఎంజాయ్‌ చేయడం చూస్తుంటే సంతోషంగా ఉంది. మీకు మరెంతో వినోదాన్ని అందిస్తానని మాటిస్తున్నా’ అని పేర్కొన్నారు.

The day I had been waiting for is finally here… Overwhelmed by your incredible reactions.

Thank you Koratala Siva garu, for envisioning Devara with such engaging drama and emotional experience. My brother @anirudhofficial, your music and background score brought this world to…

— Jr NTR (@tarak9999) September 27, 2024

భారీ అంచనాలతో దేవర మూవీ సెప్టెంబర్ 27న గ్రాండ్ గా రిలీజ్ అయింది. తెలుగు రాష్ట్రాల్లో అర్థరాత్రి నుంచే ప్రీమియర్ షోలు పడటంతో ఫ్యాన్స్ థియేటర్ల వద్ద ఫుల్ హంగమా చేశారు. ఆరేళ్ల తరువాత ఎన్టీఆర్ సోలో హీరోగా వచ్చిన ఈ మూవీకి ప్రేక్షకుల నుంచి మంచి రెస్పాన్స్ వస్తోంది. కొరటాల శివ దర్శకత్వంలో తెరకెక్కిన ఈ సినిమాలో ఎన్టీఆర్ సరసన జాన్వీ కపూర్ హీరోయిన్ గా నటించింది. సైఫ్ అలీఖాన్ విలన్‌గా నటించాడు.