నా ఫ్యామిలీ జోలికొస్తే నరుకుతా

ప్రతి ఏడాది మాదిరిగానే ఈ సారి కూడా ఏప్రిల్ 6న శ్రీరామనవమి శోభాయాత్రను వైభవంగా నిర్వహిస్తామని బీజేపీ ఎమ్మెల్యే రాజాసింగ్ తెలిపారు. శోభయాత్ర జరిగే రూట్ లలో ఎలాంటి ఇబ్బందులు తలెత్తకుండా ప్యాచ్ వర్క్, ట్రీ కటింగ్, లైట్లు తదితర వాటిని పూర్తి చేయాలని మున్సిపల్ అధికారులకు సూచించారు. శోభాయాత్ర రూట్​ను బైక్​పై తన కొడుకుతో కలిసి పరిశీలించారు. ప్రతిసారి పోలీసులు కార్యకర్తలను ఇబ్బందులకు గురిచేస్తున్నారని..ఈసారి అలాంటివి జరగకుండా చూడాలని అధికారులను కోరారు. పోలీసులు ఇబ్బంది పెడితే సహించేది లేదన్నారు. అంతేకాకుండా తన జోలికి, తన ఫ్యామిలీ జోలికి ఎవరైనా వస్తే అడ్డంగా నరుకుతానంటూ హెచ్చరించారు. కాగా గత కొంతకాలంగా రాష్ట్ర అగ్రనేతలపై రాజాసింగ్ ఫైర్ అవుతున్నారు. తనకు తగిన ప్రాధాన్యం ఇవ్వడం లేదంటూ ఆరోపణలు గుప్పిస్తున్నారు.