అసదుద్దిన్​ నోరు అదుపులో పెట్టుకో: ఎన్వీ​ఎస్​ఎస్

అసదుద్దిన్​ నోరు అదుపులో పెట్టుకో: ఎన్వీ​ఎస్​ఎస్

పల్లవి, హైదరాబాద్: సబ్​ ​కా సాత్​ సబ్​కా వికాస్​ నినాదంతో భారత దేశంలోని ప్రజలందరిని ప్రధాని మోడీ సమానంగా చూస్తున్నారని, కులాలు, మతాలకు అతీతంగా కేంద్ర ప్రభుత్వం సంక్షేమ పథకాలు అందిస్తున్నదని బీజేపీ మాజీ ఎమ్మెల్యే, ఉపాధ్యక్షుడు ఎన్వీ​ఎస్​ఎస్​ ప్రభాకర్​ అన్నారు. హైదరాబాద్​ నాంపల్లి బీజేపీ కార్యాలయంలో ఆయన విలేకరుల సమావేశంలో మాట్లాడారు. ఎంఐఎం అధినేత అసదుద్దిన్​ మైనారిటీలను రెచ్చగొట్టే విధంగా మాట్లాడుతున్నారని, మోడీ ప్రభుత్వం మైనారిటీల పై కక్ష, వివక్ష చూపుతోందని ప్రతిరోజు విమర్శలు చేస్తున్నాడని, దానికి కాంగ్రెస్​, బీఆర్​ఎస్​, కమ్యూనిస్టులు మద్దతు తెలుపుతున్నారని విమర్శించారు. బీజేపీ పాలిత రాష్ట్రాల్లో ఎక్కడా మైనారిటీలపై వివక్ష కనబడదన్నారు. హైదరాబాద్​ స్థానిక సంస్థల ఎన్నికల్లో బీఆర్​ఎస్​, కాంగ్రెస్​ పార్టీలు తమ అభ్యర్థులను నిలబెట్టకుండా పరోక్షంగా ఎంఐఎంకు మద్దతు తెలుపుతున్నాయని, గత 25 ఏండ్లుగా వారి కుటుంబమే హైదరాబాద్​ లోక్​ సభ స్థానాన్ని గెలుస్తోందని మండిపడ్డారు. వారి కుటుంబం మాత్రమే అభివృద్ధి చెందిందని, పేదవారు పేదలుగానే ఉన్నారని, కుటుంబ పాలన నుంచి విముక్తి పొందాలనుకునే ఎంఐఎం కార్పోరేటర్లకు ఈ ఎన్నిక మంచి అవకాశమని, వారికి వ్యతిరేకంగా ఓటు వేయాలని ఎంఐఎం కార్పొరేటర్లకు సూచించారు. వక్ఫ్​ సరవరణ చట్టం పేద ముస్లింలకు వరమని, 77,538 ఎకరాల వక్ఫ్​ భూములుంటే వాటిలో దాదాపు 75 శాతం భూములు ఎంఐఎం నాయకుల చేతుల్లోనే ఉన్నాయని, దాని ద్వారా లక్షల రూపాయల కిరాయలు వసూలు చేస్తూ అమాయక ముస్లింలను రెచ్చగొట్టి వారి పబ్బం గడుపుకోవాలని చూస్తున్నారని ఎన్వీఎస్​ఎస్​ మండిపడ్డారు. బీజేపీది స్ట్రెయిట్​ ఫైట్​ అని కాంగ్రెస్​, బీఆర్​ఎస్​ ది ఎంఐఎంతో డూప్​ ఫైట్​ అన్నారు. కుమ్మక్కు, తాకట్టు రాజకీయాలకు పాల్పడుతున్న కాంగ్రెస్​, బీఆర్​ఎస్​ పార్టీలకు ఆ పార్టీ కార్పోరేటర్లు ఎన్నికలను బహిష్కరించి బుద్ధిచెప్పాలని ఆయన సూచించారు. భద్రత విషయంలో అసదుద్దిన్​ అనవసరంగా మాట్లాడుతున్నారని, మోడీ పై విమర్శలు చేసేప్పుడు నోరు అదుపులో పెట్టుకోవాలన్నారు. 23న జరిగిగే జీహెచ్​ఎంసీ స్థానిక సంస్థల ఎమ్మెల్సీ ఎన్నికల్లో బీజేపీ అభ్యర్థి గౌతం రావు విజయం తథ్యమన్నారు.