ఎయిర్ ఏసియా బంపరాఫర్..చాలా తక్కువ ధరకే హైదరాబాద్ నుంచి బ్యాంకాక్
భారత ప్రయాణికులు థాయ్ల్యాండ్ వెళ్లేందుకు వీసా అవసరం లేదు. కేవలం పాస్పోర్టు ఉంటే చాలు.
- Edited By: Pallavi,
- Published on September 13, 2024 / 03:32 PM
ఎయిర్ ఏసియా(airasia)బంపరాఫర్ ప్రకటించింది. హైదరాబాద్ నుంచి బ్యాంకాక్ వెళ్లేవారికి కేవలం రూ.7,390కే టిక్కెట్ ను..చెన్నై నుంచి ఫుకెట్కు రూ.6,990కే టిక్కెట్ ను అందించనున్నట్లు ఎయిర్ ఏసియా తెలిపింది. అక్టోబరు 27 నుంచి హైదరాబాద్-బ్యాంకాక్ సర్వీస్(వారానికి 4 ఫ్లైట్ లు) ,అక్టోబరు 30 నుంచి చెన్నై-ఫుకెట్ సర్వీసును(వారానికి 3 ఫ్లైట్స్) ప్రారంభిస్తున్నట్లు తెలిపింది. ప్రారంభ ఆఫర్ కింద ఈ నెల 22 వరకు రాయితీ టికెట్లు ఎయిరేషియా.కామ్, ఎయిరేషియా మూవ్ యాప్పై విక్రయించనున్నట్లు థాయి ఎయిర్ ఏసియా కమర్షియల్ హెడ్ తన్సిత తెలిపారు.
హైదరాబాద్ – బ్యాంకాక్ మధ్య 2024 అక్టోబరు 27 నుంచి 2025 మార్చి 29 వరకు, చెన్నై – ఫుకెట్ మధ్య 2024 అక్టోబరు 30వ తేదీ నుంచి 2025 మార్చి 29 మధ్య ప్రయాణానికి వీటిని కొనుగోలు చేసుకోవాల్సి ఉంటుంది. భారత ప్రయాణికులు థాయ్ల్యాండ్ వెళ్లేందుకు వీసా అవసరం లేదు. కేవలం పాస్పోర్టు ఉంటే చాలు.